Ахсынньы 14 күнүгэр Аан Дойду үрдүнэн телевидение уонна радио күнүн бэлиэтээтибит. Ол курдук, биһиги оскуолабытыгар кылаастарынан араас темаҕа видеорепортаж устан күрэхтэстилэр.

Күрэх олус сэргэхтик ааста: оннооҕор Швеция курдук ыраах сиртэн Ээйик оҕолоругар улахан “бирибиэт” баар этэ. Оҕолор толкуйдара сүрдээх тобуллаҕас эбит: хотон үлэтиттэн саҕалаан нэһилиэкпит тэрилтэлэригэр тиийэ араас темалаах репортаж оҥорбуттар. Улахан кылаастар учуутала суох бэйэлэрэ тематын толкуйдаан сүбэлэһэн бары бииргэ оҥорон көрдөрдүлэр. Бу курдук темалар баллар этэ: “Саҥа дьыллааҕы санаалар” (3 кылаас) , “Тус хоту дойдуга ынах иитэр ферма” (9 кылаас), “Оскуолабыт музейа” (10 кылаас), “2019 сыл тумугэ” (7 кылаас), “Сэрии 75 сылын көрсө” (8 кылаас), “Талааннаах дьоннор” (2 кылаас). Оҕолор күрэҕи олус сөбүлээтилэр. Уонна 9,8,10 кылаастар хомойбокко: “Кэлэр сылга өссө үчүгэйдик толкуйдаан, быланнаан оноруохпут.

Биһиэхэ бу уруок курдук буолла” — дэстилэр. Оҕолор бу тэрээһинтэн олус диэн астыннылар: “Олох бэйэбитин дьиҥнээх корреспондент курдук сананныбыт. Элбэҕи үөрэтэн, ис иһиттэн хаһан көрөн элбэҕи биллибит» — диэн үөрэ-көтө тарҕастылар.

Күрэх түмүгүнэн бу курдук миэстэлэр таҕыстылар: маҥнайгы миэстэни Швецияттан “бирибиэттээх” үһүс кылаастар ыллылар. Иккис миэстэни олох «профессиональнай» корреспондент Алина Габышева Вера Петровнаҕа ыалдьыттаан саҥа дьыл бэлиэтин – чыс кутуйаҕы оҥорон ылыан ылла.

Итиэннэ үһүс миэстэни сэттис кылаас уорэнэччилэрэ ыллылар. Аныгыскы сылга оҕолорго баҕара хаалабыт: саҥа сүүрээннэри, тобуллаах толкуйдары!

Александра Оленова, 10 кылаас

Видеорепотраж күрэҕэ