Алтынньы ый биһиги оскуолабытыгар сэрэхтээх буолуу, олох-дьаһах харыстабылыгар аналлаах ыйынан биллэриллибитэ. Ол курдук, былаан быһыытынан араас тэрээһиннэр, мунньахтар, акциялар буолан аастылар. Сэрэхтээх буолуу нэдиэлэтин чэрчитинэн военизированнай эстафета буолла, тимирэн эрэр киһини хайдах быыһыыр туһунан ОБЖ учуутала Иванов М.В. аһаҕас уруокка кэпсээтэ, баһаартан сэрэхтээх буолуу көрүүтүн у.д.а. тэрээһиннэри үрдүк таһымҥа ыыттылар. Ыйы түмүктүүр психолог нэдиэлэтэ билигин түмүктэнэн эрэр. Оскуолабыт психолога, Сидорова Лариса Семеновна, үһүс сылын бэриниилээхтик үлэлии-хамсыы сылдьар. Ол курдук, сэттистэн үөһээ кылаас оҕолоро онлайн социально-психологический тест толордулар. Ону таһынан Егорова А.Д. салайыытынан орто бөлөх оҕолоро «Чөл турукка-чөл олох» диэн флешмоб акцияҕа кытыннылар. Перемена быыһыгар кылаастарынан «Следопыт» диэн күөн-күрэс сүрдээх сэргэхтик буолан ааста. Оонньууну оҕолор маннык сыаналаатылар: “Күрэх олус түмэр эбит, бары биир киһи курдук сыаллаах-соруктаахтык оонньоотубут, учууталларбыт туһунан элбэх саҥаны биллибит, сөбүлүүр астарыгар тиийэ. Инник оонньуулары перемена быыһыгар сотору-сотору ыыталлара буоллар олус үчүгэй буолуо эбит.

Өссө биир сэргэх акциянан буолла “Забор психологической разгрузки”. Манна оҕолор араас үчүгэйтэн саҕалаан куһаҕаныгар тиийэ бэйэлэрин ис санааларын аһаҕастык суруйдулар: хом санааттан ураты учууталларга анаан сылаас таптал тыллара баарыттан киһи көрөн үөрэр. Нэдиэлэ чэрчитинэн «Тайный друг» диэн хоппо ыйанна, онно оҕолор сэргии көрөр дьонноругар иһирэх тылларын кистээбэккэ суруйан уктулар. Ол суруктар нэдиэлэ түмүгэр аадырыстаммыт дьоннорун булуохтаахтар. Бу курдук, биһиги оскуолабыт олоҕо сэргэхтик ааһар.

Александра Оленова, 10 класс, ЭСОШ.

Месячник по безопасности