Бастакы чиэппэр бүтэн, оҕолор үөрэ-көтө сынньалаҥҥа бардылар. Ол кэмҥэ оскуолабытыгар оҕолорго анаан араас тэрээһиннэр буоллулар. Ол курдук алтынньы 30 күнүгэр саамай күүтүүлээх, ону тэҥэ кутталлаах Хэллуин бырааһынньыга буолбута. Ол киэһэ оҕолор араас мааска кэтэннэр, сирэйдэрин кырааскалаан араас киинэ геройдарыгар тиийэ буолбуттара. Учуталларбыт кытта бэттээхэй үчүгэй мааска буолбуттара. Биэчэр түмүгүнэн оҕолорго сирэй-харах оҥостуу иһин бэлиэ сурук биэрдилэр. Ол курдук, Винокурова Айыллаана, 1 кылаас үөрэнээччитэ, Некегяев Радик, 11 кылаас үөрэнэччитэ, Габышева Галина Юрьевна, биолоия уонна химия учуутала, Габышева Алина, 2 кылаас үөрэнээччитэ «Бастыҥ көстүүм» иһин грамотанан наҕараадаланнылар.

Оҕолор этэллэринэн наһаа үчүгэй тэрээһин буолан ааста, сүрүннээн эстафетата олус бэһиэлэйдик ыытылынна. “Бары бииргэ, кыралары кыралар диэбэккэ өйдөһөн-өйөһөн, ооньоон-көрүлээн бастаатыбыт” — диир Андреев Степан 11 кылаас үөрэнэччитэ. Васильев Анатолий, 10 кылаас: “Иккис миэстэ буолбуппутуттан хомойботубут, олус үчүгэй оонньу буолла”- диир.

Ону таһынан каникул кэмигэр араас спортивнай ооньуулар буоллулар: волейбол, баскетбол, пионербол, футбол, эстафета.

Оҕолор этэллэринэн олус сэргэхтик, уратытык каникулбутун атаардыбыт. Бары бииргэ тумсэн, күрэхтэһэн, сэргэхсийэн оонньоотубут. Саҥа чиэппэргэ сыньанан, сэниэ эптэн саҥа саҕахтары арыйарга бэлэммит дэстилэр.

Александра Оленова, 10 класс, ЭСОШ.

Каникулгун хайдах атаардыҥ?