Бу сыл сэтинньи 18 күнүгэр оскуолабыт иһинэн «Инникигэ хардыы” научно-практическай кэнпириэнсийэ буолан ааста. Ол курдук оҕолор үлэлэрин икки секцияҕа арааран иһиттилэр.

Бастакы секцияҕа маннык хайысхаҕа үлэлэри көрдулэр: филология,психология, культура уонна искусство. Дьүүллүүр субэҕэ үлэлээтилэр: Габышева Г. Ю, биология уонна химия учуутала, Иванов М. В, физкультура учуутала, Корнилова. П. Р, алын кылаас учуутала, Степанова М. П, история уонна обществознание, Заболоцкая Л. В, ЭКЦ «Сандал” художественнай салайааччыта. Иккис секция «Естественные науки” диэн этэ. Дьүүллүүр сүбэ: Амонова О. В, нуучча тылын учуутала, Степанов Л.Л, физкультура учуутала, Иванова А. В, Игнатьева М.А, алын кылаас учууталлара, Захаров И. С., делопроизводитель.

Дьүүллүүр сүбэ этэринэн: оҕолор дакылааттара олус интэриэһинэй темаҕа суруллубуттар, бэлэмнэммиттэр,ол эрэн о5олорбут саҥарар-иҥэрэр сатабыллара намыһах, ол курдук элбэх оҕо тиэкистэрин көрөн туран аахпыттара, ол иһин баллара наһаа үрдүк буолбатах этэ. Амонова О.В., нуучча тылын учуутала этэринэн олус элбэх саҥаны билбиттэр: “Биһиги нэһилиэкпит урут 1941 сыл иннигэр Үөһээ Бүлүү улууһугар ккирсэр эбит, ол кэннэ Өлөөн улууһун састаабыгар киирбит эбит”.

Онтон кыттааччылар этэллэринэн: “Бэйэбит талбыт темабыт туһунан олус элбэҕи, интэриэһинэйи биллибит, ис иһиттэн хасыһан үөрэтэр олус сыаналаах эбит. Кэпсиирбитигэр олус долгуйан тылбытын умнан ааҕа турбуппут. Аныгыскы сырыыга хаттаан кыттыахпыт, уонна бу оҥорбут сыыһаларбын көннөрүөхпут” — дииллэр, Ол курдук маннык дакылааттары аахпыттара: Игнатьев Артем, 5 кылаас, “Разделочная доска”, Семенова Надя, 7 кылаас “Что скрывает наш почерк”, Мигалкина Ира, 7 кылаас, Кузьменков Вероника, 6 кылаас «Методические разработки настольной игры по английскому языку», Степанова Ая, 10 кылаас «Сэрии ыар сыллара» — араас секцияларга 1 миэстэни ыллылар. Сергеев Рамир, 7 кылаас «Как зовут Топтыгина или почему медведя нельзя называть по имени», Сергеев Эрхан «След истории» — 2 миэстэни ыллылар. Уонна Васильев Игорь, 8 кылаас «Ветеран войны Степанов Г.В.», Кучаров Максим, 7 кылаас «Winkle – легендарный пилот Эрик Браун», Васильева Аида, 10 кылаас «Бухатыыр аата» — 3 миэстэни үллэстилэр.

Наука диэн киэҥ далааһыннаах эйгэҕэ саҥа үктэнээччилэргэ саҥа саҕахтары, кыайыыны-хотууну баҕара хаалыаҕын!

Александра Оленова, 10 кылаас.

«Инникигэ хардыы» биһиги оскуолабытыгар